انسانوں کے دل میں بچوں اک پیار کا دریا بہتا ہے جو آنکھ سے اوجھل رہتا ہے لیکن دنیا میں کبھی کبھی لگتا ہے کچھ اتنا اچھا وہ چاند کی جھلمل کرنیں ہوں یا رم جھم پانی بارش کا یا ایسا ہو انسان کوئی جو اتنا پیارا ہمیں لگے ہم بول نہیں کچھ پاتے ہیں چپ چاپ کھڑے رہ جاتے ہیں تب ایک انوکھے جادو سے بارش ہوتی ہے لفظوں کی جو گیت رسیلا گاتے ہیں اور ہم شاعر بن جاتے ہیں جب دل پر چوٹ لگے گہری اور آنسو پینا مشکل ہو آسان لگے بس مر جانا دکھ سہ کر جینا مشکل ہو تب ایک انوکھے جادو سے ہوتی ہے بارش لفظوں کی جو گیت رسیلا گاتے ہیں اور ہم شاعر بن جاتے ہیں تھا کوئی زمانہ جب شاعر جادوگر سمجھے جاتے تھے کیا سچ مچ ہیں وہ جادوگر یہ بھید کسی نے کب پایا اک بات مگر سب نے مانی جب دل سے نکلے شعر کوئی کر دیتا ہے ہم پر جادو وہ سب کو اچھا لگتا ہے .اور بالکل سچا لگتا ہے
فہیمدہ ریاض
