طعنہ زن تھا ہر کوئی ہم پر دل ناداں سمیت ہم نے چھوڑا شہر رسوائی در جاناں سمیت اس قدر افسردہ خاطر کون محفل سے گیا؟ ہر کسی کی آنکھ پرنم تھی دلازاراں سمیت جشنِ مقتل تھا بپا اور صرف بسمل تھے ہمیں ہم نے سوچا تھا کہ دیکھیں گے یہ دن یاراں سمیت یہ رعونت تا بہ کے اے دلفگاراں دیکھنا اب گرے گا طرہ سلطاں ، سرِ سلطاں سمیت وہ تو کیا آتے شب ہجراں تو کیا کٹتی فراز .بجھ گئیں آخر کو سب شمعیں چراغ جاں سمیت
احمد فراز
