اندر کا زہر چوم لیا دھل کے آ گئے کتنے شریف لوگ تھے سب کھل کے آ گئے سورج سے جنگ جیتنے نکلے تھے بےوقوف سارے سپاہی موم کے تھے گھل کے آ گئے مسجد میں دور دور کوئی دوسرا نہ تھا ہم آج اپنے آپ سے مل جل کے آ گئے نیندوں سے جنگ ہوتی رہے گی تمام عمر آنکھوں میں بند خواب اگر کھل کے آ گئے انجانے سائے پھرنے لگے ہیں ادھر ادھر موسم ہمارے شہر میں کابل کے آ گئے سورج نے اپنی شکل بھی دیکھی تھی پہلی بار آئینے کو مزے بھی تقابل کے آ گئے
راحت اندوری
